Stari Šime je jema je'nu malu batelinu i staru Tomos pentu od 4 konja, onu skroz bilu ča su ji perve učinili. Uvatija se penšjuna, a kako je uvik bija morski čovik, oli boje reč čovik o'mora, sa' je moga po cile dane guštat more, ako bi mu vrime dalo. Uvatija bi obid oli večericu, a znali bi ga Bogovi mora nagradit i obilatije da mrvu penšjun podeb'ja i benzinu pokrije.
Uvik mu je tunja bila u more, oli panulica po krmi, oli peškafondo, po' štajunima se mirija. Jema je i 3 vrše, 1 parangalić za moliće i jedan mali od 20 udic za komarče, sve iz svoje radijone. Vrše se nikad iz mora nisu vadile, a zna bi reć: meni je more i riba život pa i ka' ništa ne uvatin, sebi mira uvatin, forcon se napunin.
Nisu mu tribali sinjali
I ženi mu je to pasalo, uvik je znala di je, ne...