BARTULOV KANTUNZašto na dalmatinskim šentadama sidi tako malo žena? Možda njih politika ne zanima

Kad malo uđeš u godine, normalno je da nemo’š ujutro dugo spavat.

Rano si se probudija, diga, opra zube i dentjeru, obuka se i počešlja ono malo po glavi, popija bilu kafu.

I šta’š sad nego put podnoge, pa malo-pomalo prošetat dograda, i to put Rive, po modernu – Obale, a nego di’ćeš.

Jedni volidu sest na koji štekat, pod tendu, platit kafu, pivo.

Oni drugi jemadu svoj đir, jerbo je naša Riva i demokratična, ne moraš uvik dat šolde da bi moga tot sedit i gušat.

To najboje znadu naši penšjunati, njima je svaki dinar (kuna, eur...) vridan.

Zato lipo oni gredu sve uzmore, jerbo znadu da su tamo – šentade, a one su (još uvik) mukte!

Fala Bogu da i na njima nisu počeli stavjat – parking sat za ubacivat sitniš za svaku uru.

Na šentade ćeš nać i svoje kumpanje, prija...