Kad san bija dite, na početku jednoga lita, govori mi moj pape:
– Od sutra greš na veslanje!
Eto, a baš smo se jučer, na zadnji dan škole, mi muška ekipa iz razreda (IV. b) dogovorili da ćemo cilo lito svako jutro ić na kupanje – na Bače.
– Ali…
– Da te ne čujen, sve san već dogovorija sa barba Lukon! Ujutro u 7 uri gremo na Poljud da vidiš di je to, a posli ćeš ić sam… Imaš vrimena za kupat se posli tega, cilo lito…
I tako, sutra najranije nas dva klips-klips nanoge put Poljuda, na Mornara, umorija se ja i pri veslanja. Dok ja pušen, otac naša tega Luku, pokazuje mu rukon put mene, a meni maše:
– Ajde, dojdi vamo…
Barba Luka (Marasović), visoki elegantni sidi čovik, gleda me odozgar, malo me pogladija po glavi i govori:
– Mišo! Mišo, dojdi ovamo, evo ti j...